Ezagutu Oikur
Ezagutu Oikur Diseinuak eskura jartzen dituen konponbideak publizitatearen eta marketinaren beharrei erantzuteko. Soluzio grafiko funtzionalak eta zentzuzkoak.
Beharrak ebazten
Publizitatea
Marketing Online
Diseinu Grafikoa
Ezagutu nazazu
Zaletasuna
Diseinu grafikoaren maitalea naiz. Teknologia berriekin batera ezagutu dut grina hori. Hasieran, ideiak eta pentsamenduak helarazteko modu zuhurtzat izan dut diseinua. Hitzik gabe zerbait esateko tresna. Eta jokaera horretan murgiltzea maite dut. Zenbateraino tenkatu daiteke ideia baten igorpena diseinu grafikoaz baliatuz? Esperimentazio prozesu etengabea da. Jolas bat.
Ikasketa prozesua
Hamar urteko esperientzia luzea eskuratu ondoren, publizitate, marketin online eta diseinu grafikoan masterra gauzatzea erabaki nuen. Ikasketa horiei esker, diseinuaren funtsak eta oinarriak ikasi ditut, eta horren guztiaren aplikazio profesionala egiteko gaitasunak eskuratu ere.
Ikasketa horiek, profesionaltasunez aritzeko parada eman didate. Baina masterra gauzatu aurretik eta ondorengo prozesu autodidakta etengabea izaten jarraitzen du. Esperimentazioa, teknika berrien ezagutza edota joera berritzaileak nire lanaren parte inportanteak izaten jarraitzen dute. Gauza guztien gainetik, diseinu grafikoa zaletasun bat da.
Bauhaus Diseinu Eskola
Hausnarketak ere gogoko ditut. Gauza berrien ezagutza. Mendebaldeko joera nagusiez harago, kultura anitzeko diseinuak kontuan hartzea ere inportantea deritzot. Horrenbestez, Afrikako diseinu tradizionalez informatzea, Japoniako diseinu eskolen aterabideak xurgatu edota errusiar infografia aintzat hartzea ezinbestekotzat daukat. Baina Alemaniako Staatliche Bauhaus Diseinu eta Arkitektura Eskola izan da nigan eragin handien izan duena. Bere historia, filosofia, jendartearekiko konpromisoa eta eragindako iraultza kulturala, politikoa eta soziala liluraturik naukate. Nire ekoizpenetan, formak funtzioari jarraitzen dio.
Gaitasunak
- marketin plana
- jendarte sareen plangintza eta kudeaketa
- marka-pertsonalaren sorkuntza eta kudeaketa
- marketin estrategia
- seo / sem
- diseinuaren eta kolorearen funtsak
- irudi eta argazkien edizioa eta moldaketa
- grafiko bektorialen sorkuntza
- dokumentuen maketazioa
- logotipoen eta irudi-markaren sorkuntza
- diseinu grafiko publizitarioa
- web diseinuaren funtsa
- html5 & css3
- blog sorkuntza eta diseinua
- online-denden sorkuntza
- bideo edizioa
- bideo postprodukzioa
- motion graphics
- 3d modelaketa, animazioa eta argiztapena
- fisiken eta animazioen erabilera aurreratua
- audio edizioa
Ezagutu darabilgun filosofia
Artea edo Diseinua?
Artearekin gertatzen ez den bezala, diseinuaren funtsa ez da soilik irudi eder bat sortzea. Helburu bat ere bete behar du. Problema baten aurrean soluzio bat eskeintzen du diseinu grafikoak. Produktu baten beharra zein den ezagutu eta behar hori asetzeko irtenbide bat planteatzen du.
Forma funtsioari jarraiki
Aterabide praktikoa. Funtzionala eta zentzuzkoa. Hori da Oikur Diseinuak darabilen filosofia. Beharrezkoa ez den guztia deuseztatu, produktuaren bideragarritasuna erdigunean kokatzeko. Diseinua, produktu bat jendarteratzeko erreminta baten gisara ulertzen dugu. Helburu bat betetzeko erraminta bat denaren uste osoa dugu. Horrela neurtzen dugu diseinu grafiko baten egokitasuna: arrazoizkoa, praktikoa, funtzionala eta zentzuzkoa denean.
Eta edertasuna? Neurtzerik ahal dugu edertasuna? Edo zerbait subjektiboa da? Pertsona gehienek uste dutenaren aurrean, edertasuna neurtu daiteke. Simetrian, konposizioaren plangintzan, koloreen erabileran edota arreta guneen egokitasunean neurtzen da edertasuna.
Diseinu egokiaren 10 arauak
Bi aspektu horien loturan datza diseinu egoki baten funtsa: edertasunean eta praktikotasunean alegia. Horrela ezarri zuten diseinu modernoaren aitzindariek XX. mendean, Alemaniako Staatliche Bauhaus Diseinu eta Arkitektura Eskolan. Filosofia hori, mundua eta jendartea eraldatu zuten. Baita politika, ekonomia edota kultura irauli ere. Orain dela 100 urteko filosofia horretatik sortutako diseinu mota, diseinu modernoa deritzogu, eta oraindik ere diseinu modernoa bezala ezagutzen dugu, naiz eta mende oso bat iragan. Filosofia hori gureganatu egin dugu gure lana ekoizteko orduan. Eta hauek dira bere oinarriak; gure deontologia:
Harremanetan jarri
Edozein galdera lasai asko erantzungo dugu. Bete beheko eremuak eta bidali mezua, edo idatzi gure helbide elektronikora: info@oikur.eus